Overblog
Editer la page Suivre ce blog Administration + Créer mon blog
/ / /

Ar bleiz hag an dañvad

 

 Un dañdavig bihan ‘oa ‘c’h evañ dour,

Dour-red ha sklaer evel ur melezour,

Pa zegouezhas warnañ ur pikol bleiz louet,

O klask e voued,

Ha du gant an naon :

– « Petra ‘rez aze te, lampon ? »

Eme ‘r bleiz gant ur vouezh c’harv.

« Piv ‘n deus roet koñje dit-te, pezh divalav,

Da zont da louzañ va soubenn din-me ?

Me da lazho, sell ! ‘Vezin ket keit-se ! »

– « Aotrou, eme an dañvadig, arabat deoc’h fachañ ;

‘Barzh an dour-red emaon amañ,

Ha peogwir emaoc’h dek paz uheloc’h

Evit aze moarvat an dour ‘vo ket lousoc’h ! »

– « Hen louzañ ‘rez,

A lâran dit, » eme ‘r bleiz didruez ;

‘‘Ha me ‘m eus klevet ouzhpenn warlene

Te ‘poa klasket koll va brud din-me ! »

– « Penaos ? peogwir ne oan ket ganet ?

Me n’on ket bloaz,

Me zo ‘tenañ va mamm c’hoazh ! »

– « Da vreur eo ‘ta neuze ? » – « ‘M eus breur ebet ! »

– « Mat ! da gerent neuze ! Ur vandenn hailhoned,

Gant ar chas hag ar bastored,

‘C’h ober brezel din-me bemdez !

Me zesko dit, genoù glazvez !’’

Ha kerkent, hep hiroc’h abadenn,

E tap peg en e groc’hen.

Emañ strinket war al letonenn,

Ha lonket hep pebr nag holen.

 

An neb ‘zo ar Mestr d’en em gannañ

N’eo ket diaes dezhañ

Kaout ar ger diwezhañ.

 

Aogustin Konk (Paotr Treoure), Barzhaz ha sonioù, 1935

 

Piv ‘n deus roet koñje dit-te : Piv en deus roet an aotre dit 

Me zo ‘tenañ va mamm c’hoazh ! : Evañ a ran c’hoazh laezh ma mamm.

Strinket : taolet

 


1) Liv e melen pozioù ar bleiz hag e roz pozioù an dañvad

 

2) kloka an daolenn-mañ

 

 

Titl : Ar bleiz hag an dañvad

Piv eo an tudennoù ?

______________________________________________________

______________________________________________________

 

Perzhioù mat ha sioù

An tudennoù

______________________________________________________

______________________________________________________

______________________________________________________

 

Pelec’h e tremen an darvoud ?

______________________________________________________

______________________________________________________

______________________________________________________

 

Poent loc’hañ

(adskriv ar gwerzennoù)

______________________________________________________

______________________________________________________

______________________________________________________

______________________________________________________

 

Poent klozañ

(adskriv ar gwerzennoù)

______________________________________________________

______________________________________________________

______________________________________________________

______________________________________________________

 

Peseurt ar guzennoù a implij

Ar bleiz evit debriñ an dañvad ?

______________________________________________________

______________________________________________________

______________________________________________________

 

Peseurt arguzennoù a implij

An dañvad evit en em zifenn ?

______________________________________________________

______________________________________________________

______________________________________________________

 

Petra eo ar gentel ?

______________________________________________________

______________________________________________________

______________________________________________________

 



Ar vran hag al louarn

 

 

An Itron Vran, war he gwezenn kludet,

A zalc’he ‘n he beg fourmaj gwenn.

Lan al Louarn, war e lost hir puchet,

A gomzas outi evel-henn :

– « Deiz mat deoc’h, Itron Vran Eus ar C’hoajoù,

Na c’hwi zo koant hiriv, ha kaer ho tilhajoù !

Mardouen ! ma ouezit kanañ

‘Vel ma ouezit en em glinkañ,

C’hwi zo gwir Rouanez laboused ar vro-mañ. »

Kerkent Bran ar C’hoajoù, lorc’h enni, sot atav,

Evit diskouez he mouezhig vrav,

A zigor bras he beg... Kouezhet ar fourmaj gwenn,

Tapet gant Lan en ul lamm krenn.

– « Itron Vran,

Eme Dom Lan,

Ne ouiec’h ket ‘ta

‘Ranker atav paeañ

An enor hag ar meuleudi !

Ur gentel gaer am eus roet deoc’h-c’hwi ;

N’eo ket paeet re ger moarvat

Gant ur fourmaj leun a c’hwezh vat. »

Ar vran, lostek, a douas, met diwezhadig,

Ne vije tapet mui gant an trubard Lanig.

 

Aogustin Konk (Paotr Treoure), Barzhaz ha sonioù, 1935

 

 

Lostek : mezhus


1) Liv e melen pozioù ar vran hag e roz pozioù al louarn

 

2) kloka an daolenn-mañ

 

 

Titl : Ar vran hag al louarn

Piv eo an tudennoù ?

______________________________________________________

______________________________________________________

 

Perzhioù mat ha sioù

An tudennoù

______________________________________________________

______________________________________________________

______________________________________________________

 

Pelec’h e tremen an darvoud ?

______________________________________________________

______________________________________________________

______________________________________________________

 

Poent loc’hañ

(adskriv ar gwerzennoù)

______________________________________________________

______________________________________________________

______________________________________________________

______________________________________________________

 

Poent klozañ

(adskriv ar gwerzennoù)

______________________________________________________

______________________________________________________

______________________________________________________

______________________________________________________

 

Penaos e teu a-benn al louarn da gaout ar pezh en deus c’hoant ?

______________________________________________________

______________________________________________________

______________________________________________________

 

Peseurt arguzennoù a implij

An dañvad evit en em zifenn ?

______________________________________________________

______________________________________________________

______________________________________________________

 

Petra eo ar gentel ?

______________________________________________________

______________________________________________________

______________________________________________________

 

 

3) Dre strolladoù tri, prientit lennadenn a vouezh uhel ar fablenn-mañ


Ar c’hrilh hag ar verienenn

 

Ar c’hrilh rous, chomet en hañv

Da ziskanañ

Hep ehanañ

N’he doa ken ‘met bevañs skañv.

Pa oe deuet an avel viz.

Kaer he doa furchal gand tizh.

Ne gave na preñv na maon ,

Seurt da lakaat ouzh he staon.

Ha hi da di ‘n amezegez,

Ar verienenn, tost o chom,

Da c’houlenn ‘vit he ziegezh

Da vont betek an heol tomm,

Un nebeudig greun da brestañ.

– « Touiñ ‘ran e teuin d’o rentañ,

Emezi, da vare ‘r foenn,

Hag interest bras ouzhpenn. »

Ur verienenn da brestourez

Ne vez kavet e neblec’h.

– « E-pad an hañv, petra raec’h ? »

Emezi, dichek, d’ar baourez.

– « Kanañ laouen noz ha deiz

Evit plijadur va nesañ. »

– « Kanañ ? Labour skuizhus, feiz !

Mat eo, kit da sutal bremañ. »

 

Aogustin Konk (Paotr Treoure), Barzhaz ha sonioù, 1935

 

Maon : preñved

Dichek : divergont, hardizh ha diseven

 


Ar c’hrilh hag ar verienenn

(taolennet gant gustave Doré)

  

 

 

Pet den a welez ? Piv int ? Pelec’h emaint ?

________________________________________________________________

________________________________________________________________

 

Peseurt koulz-amzer eo ? Penaos e ouzez kement-mañ ?

________________________________________________________________

 

Ma rannez an engravadur dre an hanter, petra a welez a-zehou hag a-gleiz ?

________________________________________________________________

 

Tres gant ur c’hraion-koad sell pep tudenn war an engravadur. Liamm pep sell gant e dalvoudegezh :

 

Sell dismegañsus                                ♦                                 ¨         ar c’hrilh rous

Sell uvel (n’eo ket lorc’hus)               ♦                                 ¨         ar paotrig

Sell drouk                                          ♦                                 ¨         ar plac’hig

Sell bamet                                          ♦                                 ¨         ar verienenn

 

Sellomp a dostoc’h ouzh tu kleiz an engravadur : tu _______________ eo.

 

Peseurt elfenn a ziskouez eo kempenn an ti ? :                     __________________________

Peseurt elfenn a ziskouez e tle bezañ tomm e-barzh ? :        __________________________

Petra a ziskouez eo ar verienenn ul labourerez ? :                 __________________________

Petra a ziskouez eo pinvidik ar verienenn ? :                        __________________________

(Sell ouzh ar vugale)

 

Sellomp a dostoc’h ouzh tu dehou an engravadur : tu _______________ eo.

 

Penaos eo gwisket ? E petra e soñjer o sellout outi ?            __________________________

Petra a weler er pellder ?                                                       __________________________

Perak, d’az soñj en deus G. Doré damdreset un iliz ?          __________________________

 

Dielfennomp en-dro an engravadur :

 

 

Bez e c’heller ivez rannañ an engravadur gant un dreuzvegell evel-mañ, petra a ziskouez lec’h pep tudenn ?

 diag-cigale-fourmi.jpgPiv zo en nec’h ? Perak ?

_________________________________________________________________________________________________________________________________________________________

 

An doare-mañ en doa dija implijet Gustave Doré p’en doa taolennet « Ar bleiz hag an dañvad », sell :

  diag-Loup-agneau.jpg

 

            Hag amañ, klas penaos en deus aozet Gustave Doré e engravadur pa en deus taolennet an div fablenn : « Ar marv hag ar c’hoadour » hag « Ar bleizi hag an dañvadezed ».

 

                                            

Partager cette page
Repost0

Kinnig

  • : Le blog de Lamponed Gwened
  • : Buhez klas CM Skol Diwan Gwened
  • Contact

Klask

Dielloù

Rummadoù