Le blog de Lamponed Gwened

Demat,

 D’ar 28 a viz c’hwevrer, klas Gaëtan Boulig eus skol Diwan Gwened zo bet er Studio 8 evit ober ur c’hlip hag ivez hip-hop gant Patrick (Finox) deus ar gompagnunezh Chute Libre. An 18 skoliad o deus graet freeze ,top rock, diskenn war al leur. War lerc’h o deus ar skolidi  graet ur goregrafienn e-pad 5 munutenn hag ur battle hag echu e oa an abadenn gant Finox.

Pablo CM1

Ar mintin-mañ omp bet er Studio 8 gant ar c’hlas evit ober hip-hop gant Finox (Patrick). Desket en deus deomp ur goregrafienn. Evit kregiñ ar goregrafienn hon eus graet un Top rock , goude omp diskennet war al leur evit ober an S hag ar paz-torret, ha goude ar freeze. Fenox a labour gant ar gompagnunezh « Chute libre ». Ni oa bet d’ar Studio 8 evit ar c’hlip. Filip en doa filmet ac’hanomp. Bez ez eus meur a freeze evel ar baby freeze hag ar « chandelle ».

Emile

Studio 8

Ni zo bet oc’h ober Hip Hop  er  Studio 8 gant  Finox (Patrick). Ni  zo o vont da  sellet ouzh un arvest d’ar  Sul 5a viz meurzh 2017 gant ar gompagnunezh  “Chute libre” . Ni zo o vont d’ober hip Hop evit ur c’hlip ha Philippe a zo  deuet da filmañ  hon abadenn hip hop evit lakaat e-barzh  ar c’hlip. Mat e oa an Hip Hop

Pol Le Scouarnec

Ni zo bet d’ar meurzh 28 a viz C’hwever 2017 er Studio 8. Rankontret hon eus ur paotr, Finox (PATRICK) hag a zo e-barzh ar gompagnunezh “Chute libre”. Finox a ra break dance. Philipe, ar sevener filmoù en doa graet hor c’hlip warlene zo bet ganeomp evit filmañ tout ar c’hlas o tañsal evit hor c’hlip nevez.

Ni hon eus desket :

- fiñval

- war sav

- diskenn war ar leur

- ar freeze (bezañ seizet)

hag ivez ur goregrafienn vihan.

Ni hon eus kavet se mat. Ni a yello da sellout ouzh an arvest “sakr an nevez-Amzer” d’ar sul 05 a viz meurzh gant finox o tañsal e-barzh.

Triskell

Da gentañ penn, trugarez da Elodie evit al labour he deus kaset da benn gant ar skolidi. E ya, pa vezer priz kentañ ar c'han ar bobl hon devez barregezhioù n'o devez ket reoù all ! Da eil, trugarez d'ar sonerion, deuet eo brav ganeomp a-drugarez deoc'h ivez pa ne oa ket bet pleustret kement-se en a-raok. Erfin, trugarez da Alain Perus, luc'hskeudennour a-feson evit ar poltredoù en deus tennet. Brav e oa an nozvezh a-drugarez deoc'h holl ! (Hag ur blijadur eo atav gwelout skolidi kozh o tont da seniñ evit ar skol, n'eo ket gwir Fabian ?!)

D’an 12 a viz Kerzu omp bet (ni, klas Gaëtan) e dielldi an departamant. Degemeret omp bet gant Camille Pineault, ur plac’h a labour du-se.

Aet omp e-barzh ur sal ha tennet hon eus hor mantell. Displeget he deus Camille e c’helle an holl dont amañ hep paeañ. Ur gwir eo abaoe an Dispac’h Gall. Ret eo d’an dud a zeu reiñ o c’hartenn-anv. N’eus ar gwir da gas nemet ur c’hreion koad hag ur follenn rak ur c’hreion Bic ne c’hell ket bezañ diverket war un diell. Evit mont da sellout ouzh an dielloù eo ret leuskel e sac’h, kemer ur sac’h treuzwelus ha tennañ e vantell. Graet e vez tout se evit ampech al laeronsi.

Bez ez eus war-dro 30 kilometrad dielloù. Da gentañ omp bet er c’hae degemer. Aze ez eus war-dro ur c’hilometrad dielloù hag a erru bep bloaz. An dielloù a c’hell bezañ : fotoioù, kartennoù, tresoù, engravadurioù, paperioù ofisiel. Dont a ra an dielloù eus un tamm pep lec’h : tiez-kêr, skolajoù, ospitalioù…

Pa erru un diell e vez sellet ma vez e stad mat, ma n’eus ket kabelloù-touseg, peotramant e vez graet un tretamant kimiek. Ne vez bannet netra. Pa vez bresk un diell e vez lakaet paper a Vro-Japan warnañ. Pa erru an diell e vez tennet tout ar pezh a zo e houarn (stagelloù, skrafoù…) peogwir e c’hell merglañ.

Ret eo goude renkañ an dielloù. Hir eo met ret eo. War-lerc’h int lakaet e boestoù Cauchard. Bez e c’hell ar boestoù-se derc’hel ouzh an tan hag an dour. Lakaet e vez kodoù war ar boestoù evit ma ne c’hellfe ket al laeron gouzout petra zo e-barzh ar boestoù.

E-barzh ar savadur ez eus 8 estaj ha 32 magazenn. Ur magazenn zo ul lec’h ma vez renket dielloù. Ne c’hell ket ar publik mont e-barzh. Bez e ra, e-barzh ur magazenn, etre 18 ha 20 derez ha ne vez prenestr ebet rak gant an heol hag al loar e tisliv an dielloù.

Bez ez eus salioù a-ratozh ivez evit derc’hel ar c’hartennoù, ar skritelloù.

Diskouezet he deus Camille ul levr e galleg kozh, ur levr-barilh eus Parez Beignon eus 1502. Met bez ez eus memes tra dielloù ha ne vint biken diskouezet , evel kartenn un toull-bac’h pe dielloù an arme.

  Goude omp aet er sal lenn. Aze e c’heller goulenn un diell hag e vez lakaet ur « fantom » (un tamm paper ma vez skrivet anv an den hag anv an diell en deus lmprestet). Ouzh ar voger ez eus mekanikoù mikrofilm a oa implijet a-raok an urzhiataer. (Bez ez eus 5 000 000 pajenn numerizet ha n’eo nemet 5% eus ar pezh zo en dielldi).

Evit echuiñ omp distroet er sal gentañ ha labouret hon eus diwar-benn kaieroù-klemm an Dispac’h Gall.

Valentine De  Feraudy CM2

D'ar meurzh 15 a viz du omp bet o tañsal er studio 8. Gant Pascal, eus kompagnunezh Anne Nguyen, hon eus desket dañs hiphop, hag un tammig dañsal evel robotoù.

Da un eur hanter hon eus kemeret ar bus 5. Kerzhet hon doa 7 pe 8 munutenn evit mont d'ar studio 8. Erruet e oamp ha tennet hor boa hor botoù hag ar vantell. Ar sal a oa bras. E penn kentañ omp en em dommet : ar penn, an treid, an divskoaz...

Kroget hon eus da zeskiñ ar popping gant an daoulin hag an daouarn. Mat e oa, ne oa ket re ziaes. E-pad an dañs, François, tad Ana, en deus kemeret ouzhpenn 100 foto.

Desket hon doa ivez : ar wagenn, chom seizet, ar robot hag ar gorrekaat. Gant an traoù hon eus desket hon eus graet ur goregrafienn dre strolladoù 5 pe 6. Div skipailh hon doa graet ha ret e oa kerzhout doare popping, war gorrekaat, ha chom seizet pa lavare Pascal un dra.

D'ar gwener 18 omp bet e c'hoariva Anne de Bretagne da sellout ouzh arvest dañs ar gompagnunezh Anne Nguyen er sal vras diouzh an noz.

Tiya Baudin, CM2

D'ar meurzh 15 a viz du, er studio 8 e Gwened, hon eus graet hip-hop gant Pascal eus ar gompagnunezh Anne Nguyen. Anaelle Riou he deus degemeret ac'hanomp gant Pascal.

Aet omp er c'harr-boutin niverenn 5 evit mont er studio 8 evit ober hip-hop (popping, ar wagenn, chom seizet, ar robot hag ar gorrekaat). Tennet hon eus hor botoù a-raok ober hip-hop. Ar sonerezh a oa uhel-tre, neuze ne glevemp ket kalz Pascal.

D'ar gwener 18 a viz Du, diouzh an noz, omp bet o welet un arvest anvet "bal-exe" e lec'h ma oa Pascal o tañsal gant kalz reoù all war ur muzik klasel. Plijet en deus din kenañ, re "gool" e oa. Bez e oa lan a dud e-barzh ar sal vras e choariva Anne De Bretagne. (Ne vanke nemet daou zen eus ar c'hlas).

Ivi Laouenan (CM2)