Le blog de Lamponed Gwened

Bet omp o weladenniñ sal ar sonerezhioù a-vremañ hag o sealou un abadenn sonerezh rock a oa pedagogel-tre (met ya !). Un abardaevezh a glote gant istor an arzoù !

Nous sommes allés visiter l'Echo Nova, salle des musiques actuelles et écouter un concert rock qui était très pédagogique (mais oui !). Un après-midi consacré à l'histoire des arts !

An Echo nova a zo e Sant-Teve. Ur sal sonerezh eo. Bez ez eus 5 studio evit ar strolladoù sonerezh.

Bez e c’hellont degas o binvioù, met taboulinoù a zo dija war al lec’h. War ar mogerioù ez eus boestoù evit sunañ ar son ha ne rafe ket re a drouz. Bez ez eus un daol evit enrollañ ha gallout a reer kemmeskañ 28 son er memes amzer.

Bet omp « backstage » (a-dreñv al leurenn). Du-se ez eus ar « catering », ur sal evit degemer ar sonerien, gallout a reont debriñ ha sellout ouzh ar skinwel evit gouzout ar pezh a c’hoarvez war al leurenn. Bez ez eus ivez div logell gant ur melezour bras, ur yenerez, ur strinkadenn. Goude omp bet « backline », al lec’h ma vez diskarget ar binvioù, ar malizennoù hag all. Moged a oa evit gwelout mat ar gouleier er sal.

Bet omp o welout The Wackids World tour ! seniñ a reont kanaouennoù rock anavezet. Bez ez eus ur wackid melen anvet Blowmaster, unan ruz : Bongostar, hag unan glas anvet Speedfinger.  Goude pep kanaouenn e oa un ehan evit kaout displegadennoù ha goulennoù. Desket hon eus petra eo ar “Modjo” (ur galloud-hud evit sachañ ar merc’hed), sin kerniel an diaoul, anvioù evel Ray Charles, The Beatles, The Rolling Stones. Awena zo bet war al leurenn peogwir he doa respontet mat d’ar goulennoù. O yeahhh !!!!

Ma fell deoc'h selaou lod eus an tonioù bet klevet ganeomp !

An abadennoù bageal o deus  kroget d'ar gwener  01 /04 etre 1h30 ha 16h30.

Pifou eo mestr bageal ar re CM1.

Kristof eo mestr-bageal evit ar re CM2.

Optimist a ra ar CM1 ha catamaran ar re CM2. Kalz a avel a oa, ar vugale a rae optimist n'o deus ket gallet lakaat al lien. graet hon eus ur c'hoari, ret e oa datum bolotennoù tennis hag adreiñ anezho en ur lavarout peseurt pesked a vev er pleg-mor. Evit an abadenn diwezhañ, d'ar 27 a viz Mae e krogimp da 9 eur evit echuiñ da 4 eur hanter. Debret e vo ur pik-nik war un enezenn.

Diwar intrudu Nikolaz, stajiad Kelenn, hon eus kroget da studiañ ar gwerzioù, ha goude bezañ lennet "Gwerz an Titanic" hon eus savet dre stollad gwerzioù a -zivout darvoudoù bras.

Setu m'eo bet c'hoarvezet

Ul labour divent ha kalet

Unan eus ar seurt n'hon eus ket

Gwelet a bell zo dre ar bed.

Savet eo bet ar voger vras

Brasañ labour bet graet biskoazh

Redek a ra a-hed 4000 km

Eus Mor Sina da Vro-Dibet.

Ha neuze e voe labouret

Gant an aon bezañ aloubet

Gant tud drouk evit amezeien

Hag an holl a soñje enne. 

Bezañ gwarezet mat ganti

Setu menoz an impalaer

E anv a oa Che-Houang-Ti

"Un hudour"a lavarer. 

Savet e voe ar voger vras

Gant tammoù kestell bras

E-kichen Mor Sina e krogas

E bro Dibet e echuas.

Neuze e karge al labourerien

Div baner ouzh ur walienn

Hag o choukañ ar pri gant o zreid

En ur glemichal bep metr.

Pa veze echu ul lodennad

E veze staliet ' un degad gward

Kreñvlec'hioù bep 1600 metr

Ha bep 200m, tourioù-ged.

A viz da viz, a vloaz da vloaz

E yae war-raok ar chanter bras

Hag e yae al labourioù

A-dreuz ar menezioù hag ar stêrioù.

Pegeit e voent o labourat

Diaes eo da gavout moarvat

Efedus ' voe ar voger vras

Eus an amezeien e viras.

Ul lodenn nemeti eus ar voger vras

A c'haller gwelet hiziv an deiz allaz 

Kreñv eo bet ar voger vras hogen

Kreñvoc'h c'hoazh eo an amzer o tremen.

D'al lun 28 a viz meurzh omp bet o teskiñ talvoudegezh ar pannelloù-hent ha penaos en em zerc'hel ekêr war velo gant surentez an hent. Goude hon eus bet da respont ouzh goulennoù. an hini gentañ e CM2 zo bet Ninnog gant 24 poent diwar tregont, met an hini barrekañ a zo bet Fabian gant 25,5 poent ! (1 poent nebeutoc'h eget Gaëtan, trec'het gant Nikolaz, ar stajiad en deus bet 27 poent !!!). Ha c'hwi, petra ho pefe respontet da skouer ?

- Tremen a ra ar marc'hhouarner hep gorrekaat rak dezhañ eo da dremen da gentañ.

- Chom a ra ar marc'hhouarner a-sav hag e laosk ar sammgarr da dremen rak tevoc'h egetañ eo.

- Tremen a ra ar marc'houarner dirak ar sammgarr en ur vezañ prest da chom a-sav.

- Herraat a ra ar marc'hhouarner evit pellaat ar buanañ posupl diouzh ar c'hroazhent.

- Riskloù zo e skofe ar marc'houarner gant dor ur c'harr-tan.

- Ret eo dezhañ diwall rak ar c'hirri-tan a c'hellfe loc'hañ

- Gwelloc'h e vefe dezhañ pellat un tammig diouzh ar c'hirri.

- N'en deus ket da deurel evezh ouzh an dremenidi war ar riblenn.

Gant Choupi Moisan hon eus graet (Mael, Gwendal, Awena, Enora, Amandine, Riwana, Bleuenn, Fabian) ul levr etre miz Genver ha miz C'hwevrer da vare kreisteiz. Kemeret hon eus ur mizvezh evit ober an tresadennoù.

Penaos hon eus graet evit sevel al levr :

- Ni hon eus kemeret un tamm kartoñs.

- Kemeret hon eus tammoù paper evit ober al loened.

- Evit ober ar bezhin hon eus kemeret tammoù kartoñs ha plakennoù e gwer. 

- Goude hon eus lakaet livaj war ar c'hartoñs ha pouezet hon eus war ar follenn.

- War ar bezhin hon eus lakaet al loened.

- Evit ober ar mor hon eus lakaet livaj gant dour.

- Goude hon eus dispozet ar follennoù kartoñs evit sevel al levr.

- Choupi he deus staget ar follennoù kartoñs hag he deus graet ar golo.

- Sevel a raimp an destenn.

Petra eo istor al levr :

Ur wech e oa ur bern pesked ruz nemet e oa ur pesk du. Un deiz, ur pesk bras en deus debret an holl besked ruz a oa gantañ. Ar pesk du a veaj e-barzh ar mor hag e kav pesked a bep seurt : ur silienn, ul legestr, morgaol, hag er fin e kav ur vandennad pesked ruz. treveziñ a reont ur pesk bras asamblez hag ar pesked bras all o deus aon.